ନିର୍ଦ୍ଦିଷ୍ଟ ବିବରଣୀ ଅସ୍ପଷ୍ଟ ରହିଲେ ମଧ୍ୟ, ଅନେକ ଦେଶ ଏହି ନୂତନ ପଦକ୍ଷେପର ପ୍ରଭାବ ବହନ କରିବେ ବୋଲି ଆଶା କରାଯାଉଛି।

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଏପ୍ରିଲ ୨ରୁ ନୂଆ ଶୁଳ୍କ କାର୍ଯ୍ୟକାରୀ କରିବାକୁ ଯାଉଛନ୍ତି। ଏହାକୁ ସେ ଆମେରିକୀୟ ବାଣିଜ୍ୟ ପାଇଁ ‘ମୁକ୍ତି ଦିବସ’ ବୋଲି ଅଭିହିତ କରୁଛନ୍ତି। ଏହି ଶୁଳ୍କ ସେହି ଦେଶମାନଙ୍କ ଉପରେ ଲାଗୁ ହେବ, ଯେଉଁମାନେ ଆମେରିକା ସାମଗ୍ରୀ ଉପରେ ଉଚ୍ଚ ଶୁଳ୍କ ଲାଗୁ କରନ୍ତି କିମ୍ବା ଟ୍ରମ୍ପଙ୍କ ପ୍ରଶାସନ ଅନୁଚିତ ବୋଲି ଭାବୁଥିବା ବାଣିଜ୍ୟ ନୀତି ଅନୁସରଣ କରନ୍ତି। ନିର୍ଦ୍ଦିଷ୍ଟ ବିବରଣୀ ଅସ୍ପଷ୍ଟ ରହିଲେ ମଧ୍ୟ, ଅନେକ ଦେଶ ଏହି ନୂତନ ପଦକ୍ଷେପର ପ୍ରଭାବ ବହନ କରିବେ ବୋଲି ଆଶା କରାଯାଉଛି।

ଆମେରିକା ସହିତ ସର୍ବାଧିକ ସାମଗ୍ରୀ ବାଣିଜ୍ୟ ନିଅଣ୍ଟ ଥିବା ଦେଶଗୁଡ଼ିକ ମଧ୍ୟରେ ଚୀନ୍, ୟୁରୋପୀୟ ସଂଘ, ମେକ୍ସିକୋ, ଭିଏତନାମ, ଆୟରଲାଣ୍ଡ, ଜର୍ମାନୀ, ତାଇୱାନ, ଜାପାନ, ଦକ୍ଷିଣ କୋରିଆ, କାନାଡା, ଭାରତ, ଥାଇଲାଣ୍ଡ, ଇଟାଲୀ, ସ୍ୱିଜରଲାଣ୍ଡ ଓ ମାଲେସିଆ ଓଇଣ୍ଡୋନେସିଆ ରହିଛି। ଏହି ରାଷ୍ଟ୍ରଗୁଡ଼ିକ ଆମେରିକାର ବାଣିଜ୍ୟ ଅସନ୍ତୁଳନର ଏକ ଗୁରୁତ୍ୱପୂର୍ଣ୍ଣ ଅଂଶ ପାଇଁ ଦାୟୀ ଏବଂ ଏମାନେ ସବୁଠାରୁ କଠୋର ଶୁଳ୍କ ବୃଦ୍ଧିର ସମ୍ମୁଖୀନ ହେବେ ବୋଲି ଆଶା କରାଯାଉଛି। ତେବେ କେଉଁ ଦେଶ ଉପରେ ଓ କେଉଁ କ୍ଷେତ୍ରରେ କେତେ ଶୁଳ୍କ ଲାଗୁ ହେବ ତାହା ଏପର୍ଯ୍ୟନ୍ତ ପ୍ରକାଶିତ ହୋଇନାହିଁ। ତେବେ ଔଷଧ ଏବଂ ସେମିକଣ୍ଡକ୍ଟର ଭଳି ପ୍ରମୁଖ ଶିଳ୍ପ ଉପରେ ଅଧିକ ଶୁଳ୍କ ଲାଗୁ ହୋଇପାରେ। ସେହିପରି ବିଦେଶୀ ଅଟୋମୋବାଇଲ୍ ଏବଂ ଅଟୋ ପାର୍ଟସ୍ ଉପରେ ବର୍ଦ୍ଧିତ ଶୁଳ୍କ, ଏପ୍ରିଲ ୪ରୁ କାର୍ଯ୍ୟକାରୀ ହେବ। ଟ୍ରମ୍ପ ପୂର୍ବରୁ ଇସ୍ପାତ ଏବଂ ଆଲୁମିନିୟମ୍ ଉପରେ ବ୍ୟାପକ ଶୁଳ୍କ, ବିଦେଶୀ କାର ଉପରେ ଶୁଳ୍କ ଏବଂ ଚୀନ୍ ସାମଗ୍ରୀ ଉପରେ ଲକ୍ଷ୍ୟ ଶୁଳ୍କ ଲାଗୁ କରିଛନ୍ତି। ଆଗାମୀ ପଦକ୍ଷେପଗୁଡ଼ିକ ଆମେରିକା ବିପକ୍ଷରେ ଗୁରୁତ୍ୱପୂର୍ଣ୍ଣ ବାଣିଜ୍ୟ ବଳକା ଥିବା ଦେଶଗୁଡ଼ିକ ଉପରେ ବର୍ଦ୍ଧିତ ଶୁଳ୍କ ଲାଗୁ ସହିତ ସେହି ନୀତିଗୁଡ଼ିକୁ ବିସ୍ତାର କରିବ ବୋଲି ଆଶା କରାଯାଉଛି।